MISIÓN 2:

ORGANIZACIÓN POLÍTICA

 

A ORGANIZACIÓN DO ESTADO: UN REY PARA TODA A GALAXIA

 

 

 

A DIVISIÓN DE PODERES: O SENADO GALÁCTICO

 

 

 

A DIVISIÓN ADMINISTRATIVA: AS PROVINCIAS DA FEDERACIÓN GALÁCTICA

 

 

MISIÓN 2:

ORGANIZACIÓN POLÍTICA

 

 

A lei básica, fundamental e principal do Estado Español é a Constitución. Por iso, todos os habitantes do país temos a obriga de cumprir o que se establece na mesma.
Nela veñen establecidos unha serie de puntos. En primeiro lugar, os dereitos, deberes e liberdades dos cidadáns españois.
Por outro lado, marca as directrices sobre a organización política: monarquía parlamentaria e división de poderes.
Ademais, tamén fala da organización territorial, é dicir, de que maneira se divide o territorio español.
Pero a maiores disto, a Constitución Española tamén establece cal é a capital do Estado, cal ou cales son as linguas oficiais do mesmo e, para rematar, os símbolos que o diferencian do resto de países ou estados.
A actual Constitución foi aprobada no ano 1978.

 

1 A ORGANIZACIÓN DO ESTADO: UN REY PARA TODA A GALAXIA

 

"¡Poder! ¡Poder sen límites!" - DARTH SIDIOUS

 

 

 

O noso país ten como forma política de goberno a monarquía, polo que o xefe do Estado é o Rei. Non exerce poder político pero é o encargado de representar España noutros países, de sancionar leis e de exercer o mando supremo das Forzas Armadas, entre outras funcións.

Dende o 22 de novembro de 1975 ata o 19 de xuño de 2014 o Rei de España foi don Juan Carlos I. Exerceu a xefatura do estado durante case 40 anos e ao seus 76 anos decidiu abdicar no seu fillo Felipe VI que dende o 19 de xuño de 2014 é o xefe do estado español.

 

 

 

 

2 A DIVISIÓN DE PODERES: O SENADO GALÁCTICO

 

"Entre os fillos dos Jedi, non hai inocentes" - DARTH SIDIOUS

 

 

 

Os poderes políticos do Estado
 

Poder lexislativo: está en mans das Cortes Xerais. Elabora as leis e controla a acción do Goberno.

As Cortes Xerais
 

As leis que rexen o Estado Español deben ser elaboradas e aprobadas por esta institución. Ademais, as Cortes Xerais son as encargadas de controlar o Goberno.

Están formadas por dúas cámaras: o Congreso dos Deputados e o Senado. Os cidadáns do Estado, maiores de idade, son os encargados de elixir os representantes de cada unha, nas eleccións que se levan a cabo cada catro anos.

 

Poder executivo: en mans do Goberno. As leis aprobadas polas Cortes Xerais son aplicadas mediante este poder. Dirixe a política do país.

 

O Goberno Central
 

O goberno é a principal institución que se encarga de dirixir o Estado do que formamos parte como cidadáns españois. Está constituído polo presidente (elixido polo Congreso de Deputados e nomeado polo rei) e os ministros e ministras (propostos polo presidente e nomeados polo rei). Estes encárganse de diferentes áreas de índole público: sanidade, educación, interior, ambiente…

Poder xudicial: en mans dos Tribunais de Xustiza.

 

O tribunal de Xustiza
 

Está formado polos xuíces e xuízas que son os que se encargan de facer xustiza no país. Fan cumprir as leis e xulgan e impoñen sancións a aqueles que a incumpren ou cometen delitos.

En España hai dous tribunais de referencia: o Tribunal Supremo e o Tribunal Constitucional.

 

 

TAREFA:

Completa o seguinte esquema:

 

 

A política eran as actividades asociadas co goberno dun territorio. Aqueles involucrados en tales actividades eran coñecidos como políticos. Por toda a galaxia, existían moitas formas diferentes de goberno:

 

República:

Nunha República, as persoas son gobernadas por un representante electo e por un líder elixido en lugar de por un monarca. Co seu corpo de Senadores electos, a República Galáctica era unha democracia que abarcaba toda a galaxia. Con todo, este sistema non estaba exento de inconvenientes. O Caballero Jedi Obi- Wan Kenobi pensou que a maioría dos Senadores só enfocábanse en compracer a aqueles que patrocinaban as súas campañas, o que os levou a esquecer os ideais da democracia.

 

Monarquía:
Nunha Monarquía, un só individuo, coñecido como Rey, gobernaría ao seu pobo por dereito de nacemento, fundamentando a súa lexitimidade na liñaxe. As Casas Reais estaban formadas pola antiga realeza galáctica. Ás veces, con todo, a lexitimidade dunha liñaxe era impugnada.
No momento da Nova República, poucas persoas aínda tomaban en serio a nobreza hereditaria, incluídos os nobres. Debido a isto, os títulos nobiliarios de moitos planetas convertéronse en gran parte ceremoniais.

Imperio:

Un Imperio era un goberno que frecuentemente tiña moitos territorios baixo o goberno dun só líder, que tipicamente se chamaba Emperador.

 

Ditadura:
Unha Ditadura era unha forma de goberno na que a autoridade central estaba en mans dun só individuo, que a miúdo tiña un gran poder executivo. A autoridade dese individuo, chamado ditador, a miúdo imponse mediante diversos mecanismos opresivos, como a represión da prensa, a detención de activistas políticos e o uso de medidas de seguridade omnipresentes para vixiar á opinión pública, a miúdo coa esperanza de manipulala a favor do réxime.

 

 

 

3 A DIVISIÓN ADMINISTRATIVA: AS PROVINCIAS DA FEDERACIÓN GALÁCTICA

 

"Hai unha gran perturbación na Forza" - EMPERADOR PALPATINE

 

 

 

TAREFA:

Debuxa un mapa de España coas comunidades e cidades autonomas.

 

 

 

TERCEIRO TRIMESTRE